រុស្ស៊ី៖ ជនជាតិរុស្សីប្រឈមមុខនឹងការជាប់ពន្ធនាគារ ១៥ឆ្នាំ បើសិនជាត្រូវបានរកឃើញថាផ្សព្វផ្សាយ «ព័ត៌មានក្លែងក្លាយ» អំពីសង្គ្រាមអ៊ុយក្រែនក្រោមច្បាប់ថ្មីមួយ។

ទូរទស្សន៍រដ្ឋក្នុងប្រទេសរុស្ស៊ី ដែលគ្រប់គ្រងដោយវិមានក្រឹមឡាំង បាននិយាយថា វិធានការថ្មីនេះ អាចត្រូវបានពិភាក្សានៅក្នុងសភារបស់ខ្លួន ដែលជាសភាសហព័ន្ធក្នុងអំឡុងសប្តាហ៍ក្រោយ។

ព័ត៌មាននេះកើតឡើងនៅពេលដែលមន្រ្តីរុស្ស៊ីបានឃុំខ្លួនមនុស្សជាង ១ពាន់នាក់ក្នុងអំឡុងពេលបាតុកម្មប្រឆាំងមិនឱ្យមានសង្រ្គាមនៅក្នុងទីក្រុងនានាទូទាំងប្រទេស ខណៈពាក់កណ្តាលនៃប្រជាជនរុស្ស៊ីបាននិយាយថាពួកគេគាំទ្រសង្គ្រាមប្រឆាំងនឹងអ៊ុយក្រែន។

ទន្ទឹមនឹងវិធានការ «ព័ត៌មានក្លែងក្លាយ» របាយការណ៍ប្រព័ន្ធផ្សព្វផ្សាយនឹងអាចនិយាយបានតែចំនួននៃការខាតបង់ផ្នែកយោធារុស្ស៊ីដែលត្រូវបាន 'ផ្ទៀងផ្ទាត់' ដោយក្រសួងការពារជាតិរបស់រុស្ស៊ីប៉ុណ្ណោះ នេះបើយោងតាមកាសែត Times ៕